Жаңадан тағайындалған премьер-министр Әлихан Смайылов үкіметтің жаңа құрамының алғашқы отырысын ашты, деп хабарлайды Sputnik Қазақстан тілшісі.
"Бүкіл еліміздің басына ауыртпалық түсіп тұрған қазіргідей күрделі кезеңде біз мемлекет басшысының зор сенімін ақтауымыз керек. Біз, үкіметтің жаңа құрамы халықтың өмір сапасын жақсартуға, экономиканың өсімін сақтауға және пандемияны еңсеруге, лаңкестер, бұзақы мен тонаушылар келтірген орасан зор шығындарды қалпына келтіруге, елімізді жаппай дағдарыстан шығаруға бағытталған президент тапсырмаларын орындау үшін бар күш-жігерімізді аямай жұмыс істеуіміз қажет", - деді Смайылов үкіметтің жаңа құрамының бірінші отырысында.
"Бұл осындай аса ауыр жағдайда әлі ешқандай үкіметтің алдында болып көрмеген өте күрделі де ауқымды міндет. Халық біздің жұмысымыздан нақты нәтиже күтіп отыр", - деді премьер-министр.
Еске салсақ, 11 қаңтарда президенттің жарлығымен Әлихан Смайылов үкіметтің жаңа басшысы болып тағайындалды. Сондай-ақ үкіметтің жаңа құрамы бекітілді.
Вам может быть интересно: «Алматыда карантин талаптары жеңілдетілді »
