ҚР Үкіметінің қаулысымен Алмат Құрманғазыұлы Мадалиев басқа жұмысқа ауысуына байланысты ҚР Әділет вице-министрі қызметінен босатылды, деп хабарлайды primeminister.kz.
Алмат Құрманғазыұлы Мадалиев 1986 жылы Алматы қаласында дүниеге келген.
Әл-Фараби атындағы Қазақ ұлттық университетін және Джордж Вашингтон Университеті жанындағы Заң мектебін (АҚШ) тәмамдаған.
Еңбек жолын 2004 жылы «Жастар таңдауы» ҚҚ заңгер болып бастаған.
2009-2010 жылдары республикалық бюджеттің атқарылуын бақылау жөніндегі есеп комитетінде түрлі лауазымдарда қызмет атқарды.
2010 жылғы қазан айынан бастап ҚР Әділет министрлігінің құрылымында жұмыс істеді.
2019 жылдың наурыз айынан бастап – ҚР Әділет вице-министрі.
Вам может быть интересно: «Криштиану Роналду жаңа командасындағы алғашқы ойынын 5 қаңтарда өткізуі мүмкін»
