Бүгінгі күні «Монополист» базасының жаңартылған нұсқасы өнеркәсіптік пайдалануға енгізілді.
Бұған дейін «Монополист» базасы арқылы табиғи монополиялар субъектілерінің және қоғамдық маңызы бар нарықтардың өтінімдері мен есептері оларға растайтын құжаттарды қоса бере отырып, pdf форматында сканерленген құжат түрінде жіберілген болатын. Енді монополист субъектілердің тарифтік сметалар мен инвестициялық бағдарламалардың деректері жүйеде цифрландырылған түрде болады.
Шын мәнінде, бұл инновациялар аналитика мен деректерді болжауға үлкен мүмкіндік береді.
Тариф белгілеудің барлық үдерісі тарифтік сметалар мен инвестициялық бағдарламаларды бекітуге өтінімдерді жіберу, жария тыңдаулар өткізу туралы хабарландыруды жариялау, тарифті бекітуден және оны түзетуден бастап, тарифтік сметалар мен инвестициялық бағдарламаларды орындау жөніндегі есептілікке дейін автоматтандырылды, бұл өз кезегінде сыбайлас жемқорлық тәуекелдерін болдырмайды.
Сондай-ақ, «Монополист» базасының жаңа нұсқасы мемлекеттік дерекқорлармен және электрондық сатып алу алаңдарымен интеграциялау арқылы деректердің дұрыстығы мен өзектілігін қамтамасыз етеді. Интеграциялар арқылы растайтын құжаттардың көлемін оңтайландыру және қысқарту қамтамасыз етілді.
Әрбір азаматтың коммуналдық қызметтердің тұтынушысы ретінде бұрынғыдай монополист субъектінің кез келген тарифтік өтінімімен немесе инвестициялық бағдарламасымен танысуға мүмкіндігі бар.
Бұл ретте, пікір қалдыру және жария тыңдау жөніндегі шешімнің хаттамасымен танысу және нәтижесінде мүдделі өтінім бойынша уәкілетті орган қандай тарифті бекіткенін қарау мүмкіндігі бар.
Тұтынушылар оны қызықтыратын қызмет бойынша мәлімделген, бекітілген және нақты тарифті көре алады.
Осылайша, ТМРК табиғи монополиялар субъектілері мен қоғамдық маңызы бар нарықтардың мәліметтерін біріктіретін, уәкілетті орган тарапынан бақылау қызметінің ашықтығын күшейтетін, оның ішінде «Тарифті инвестицияларға айырбастау» тарифтік саясаты шеңберінде инвестициялық қаражаттың мақсатты пайдаланылуын бақылауды қамтамасыз ететін бірыңғай цифрлық кеңістік құрды.
Вам может быть интересно: «В Швейцарии предложили национализировать банк UBS»
