Алматыда 20 жастағы жігіт өтіп бара жатқан екі адамға себепсіз шабуыл жасаған. Салдарынан бір адам көз жұмды, деп хабарлайды ҚазАқпарат тілшісі.
«Алғашқы тергеу барысында жедел топ қызметкерлері қылмыстың куәгерін тапты. Ол - қайтыс болған адамның досы. Ер адамның айтуынша, оларға далада қолында екі пышағы бар белгісіз біреу шабуыл жасаған. Сарапшылар көз жұмған адамның денесінде 10-ға жуық пышақ жарақаты барын анықтады. Куәгердің де денесінде өміріне қауіп төндірмейтін бірнеше жарақат болған», - деп хабарлады Алматы қалалық полиция департаментінің баспасөз қызметі.
Полицейлер күдіктіні «ізін суытпай» ұстады.
Ол - 20 жастағы жергілікті тұрғын, тәжірибелі токсикоман болып шықты.
Күдіктінің айтуынша, есірткіден кейін қатты галлюцинация пайда болған. Сөйтіп, алдынан шыққан екі адамға пышақ сұққан.
Ұсталған жас жігіттің бұрын кісі тонау мен ұрлық үшін сотталғаны белгілі болды.
Аталған факт ҚР Қылмыстық кодексінің 99-бабы бойынша тіркелді.
Вам может быть интересно: «Қазақстанның жемқорлықпен күрес тәжірибесі Ташкенттегі ЭЫҰ отырысында ұсынылды»
