86 млрд теңге – бұл Ғылым және жоғары білім министрлігі алдағы 2 жылға жариялаған гранттық қаржыландыруға арналған үш конкурстың жалпы бюджеті. Бұл бюджеті 3 млрд теңгені құрайтын «Жас ғалым» жобасы бойынша жас ғалымдарды гранттық қаржыландыруға арналған конкурс; бюджеті 9 млрд теңгені құрайтын 2023-2025 жылдарға арналған ғылыми және (немесе) ғылыми-техникалық жобалар бойынша жас ғалымдарды гранттық қаржыландыруға арналған конкурс; ғылыми және (немесе) ғылыми-техникалық жобалар бойынша гранттық қаржыландыруға арналған жалпы конкурс, бюджеті 2023-2025 жылдары 74 млрд теңгені құрайды. ҚР ҒЖБМ Ғылым комитетінің басшысы Дархан Ахмед-Заки атап өткендей, қазіргі сома бұрынғыдан 4 есеге көп, деп хабарлайды ortcom.kz.
«Цифрландыру, ғылым және инновациялар есебінен технологиялық серпіліс» ұлттық жобасында және ҚР ғылымын дамыту тұжырымдамасында ғалымдар санын жалпы алғанда 1,5 есеге 34 мың адамға дейін ұлғайту және жас ғалымдардың үлесін 50%-ға дейін арттыру міндеті алға қойылды. Жас ғалымдарды қолдап, талантты жастарды ғылымға тарту басымдыққа ие болуы тиіс. Постдокторанттарды қолдау үшін «Жас ғалым» жобасы бойынша мың грант бөлу бойынша конкурс өткізіледі. Постдокторант өзі таңдаған кез келген ғылыми ұйым немесе университет негізінде зерттеу жұмысымен айналысады. Оның айлық жалақысы 3 жыл ішінде шамамен 500 мың теңгені құрайды. Осы грант аясында докторантура бағдарламасын игерген, бірақ уақытында қорғай алмаған зерттеушілер диссертацияны бір жыл ішінде қорғауға мүмкіндік алады. Мұндай мүмкіндікке отандастар, шетелде тұратын қазақ ұлтының өкілдері де ие», - деп атап өтті спикер.
Вам может быть интересно: «В этом году число случаев заражения лихорадкой денге в столице Индии превысило 2000»
