Астана қаласы әкімінің орынбасары Ерлан Бекмұрзаев пен қоғамдық денсаулық сақтау басқармасының бастығы Тимур Мұратов жаңа жылдың бірінші күні №3 көпсалалы қалалық ауруханада болып, жас аналар мен қаланың ең көне медициналық мекемесінің ұжымын мерекемен құттықтады. Бұл туралы аурухана директоры Жұлдыз Данбаева өзінің Facebook парақшасында жариялады, деп хабарлайды ҚазАқпарат.
«Өткен тәулікте ауруханамызда 13 бала дүниеге келді. Оның ішінде Жаңа жыл түні - 3 бала. Үшеуінің де қыз болуы ерекше жағдай. Біздің ата-бабаларымыз ежелден қыздың дүниеге келуі – молшылық пен береке деп есептеген», - деп жазды ол.
Сәбилерге жаңа туған нәрестелерге арналған конверттер сыйға тартылды, олардың аналарына гүл шоқтары мен елорда әкімінің атынан құттықтау хаты табысталды.
«Ауруханада жыл сайын 8 мыңнан астам босанатын әйел медициналық көмек алады. Акушерлер күніне 15-25 әйелді босандырады. Мәселен, 2022 жылы біздің перзентханада 7222 сәби дүниеге келген», - деп қосты Жұлдыз Данбаева.
Вам может быть интересно: «Фармкомпании Китая ускоряют производство противоэпидемических препаратов»
