Жетісай ауданы тұрғынының ауласынан 3 мың түп көкнар тәркіленді, деп хабарлайды Түркістан облысы полиция департаменті баспасөз қызметі.
Жетісай аудандық полиция бөліміне жергілікті тұрғындардың бірі құрамында есірткісі бар өсімдіктерді өсіретіндігі туралы хабарлама түскен. Ақпарат алған жетісайлық тәртіп сақшылары жедел-іздестіру іс-шарасын жүргізді. Күдікті ретінде жергілікті тұрғын анықталып, оның тұрғылықты жеріне тінту жұмыстары жүргізілді. Нәтижесінде күдікті ер адамның үйінің ауласынан 3 мың түп есірткіге ұқсас өсімдік табылып, тәркіленді.
Тағайындалған сараптаманың қорытындысы бойынша алынған өсімдік көкнәр болып шықты. Аталған фактіні полицейлер ҚР ҚК-нің 300-бабы 2-бөлігімен «Құрамында есірткі заттар бар, өсіруге тыйым салынған өсімдіктерді заңсыз егіп-өсіру» бойынша тіркеуге алды.
Қазіргі таңда сотқа дейінгі тергеу амалдары жүргізіліп жатыр.
Вам может быть интересно: «Автор «Монстра» Райан Мерфи покидает Netflix и договаривается о переходе в Disney»
