2023 жылдың алғашқы үш айында қазақстандық қонақүйлер 43 млрд теңге табыс тапқан. Бұл туралы ҚР Мәдениет және спорт министрлігінің баспасөз қызметі хабарлайды.
Баспасөз қызметінің мәліметтеріне қарағанда, бұл өткен жылдың сәйкес кезеңімен салыстырғанда 1,6 есе көп. Былтыр алғашқы тоқсанда еліміздегі орналастыру орындары 26,3 млрд теңгеге қызмет көрсеткен.
Қаңтар-наурыз аралығында орналастыру орындарына 228 мың шетелдік қонақ тоқтады.
Айта кету керек, жыл басында Қазақстанда қонақүйлердің саны 4 мыңға жетті. Олардың жалпы сыйымдылығы 203 мыңнан астам орынды құрайды.
«Ішкі және шетелдік туристер санының артуына байланысты қонақүй қызметінің көлемі де ұлғайды. Мәселен, биыл жаз басталғалы елімізге келген шетелдіктердің жалпы саны 3 есе артты. Атап айтқанда, Қытайдан - 8,5 есе, Үндістаннан - 4,7 есе, Оңтүстік Кореядан - 3,8 есе, Ираннан - 3,8 есе, Германиядан - 3 есе, АҚШ-тан - 2,2 есе артып отыр»,- деді Мәдениет және спорт министрлігінің баспасөз хатшысы Мөлдір Әбдуалиева.
Вам может быть интересно: «АР: США могут разместить военных на коммерческих судах, проходящих через Ормузский пролив»
