Астана қаласы Қоғамдық денсаулық сақтау басқармасы басшысының қызметіне Рүстемова Әлия Шайзадақызы тағайындалды. Бұл туралы қала әкімдігінің баспасөз қызметі хабарлайды.
Ә.Рүстемова 1992 жылы «Емдеу ісі» мамандығы бойынша Алматы мемлекеттік медицина институтын, 2007 жылы «Қаржы» мамандығы бойынша І.Жансүгіров атындағы Жетісу мемлекеттік университетін аяқтаған. Медицина ғылымдарының докторы.
Еңбек тәжірибесін Алматы облысы Талғар қаласындағы Талғар аудандық ауруханасында дәрігер-терапевт қызметінен (1992-1993) бастады. Көптеген жылдар бойы Алматы, Талдықорған, Қызылорда, Петропавл және Астана қалаларының денсаулық сақтау саласында еңбек етті.
2018 жылдың маусымынан 2022 жылдың тамызына дейін «Нұр-Сұлтан қаласының Қоғамдық денсаулық сақтау басқармасы» ММ басқарма басшысының орынбасары қызметін атқарды.
2022 жылдың тамызынан осы тағайындауға дейін Астана қаласы әкімдігінің «№3 көпбейінді қалалық балалар ауруханасы» ШЖҚ МКК-ның бас дәрігері болды.
Вам может быть интересно: «Премьеру «Дэдпула 3» перенесли на неопределенный срок из-за забастовок»
