Павлодар облысы полиция департаментінің бұрынғы бастығы Нұрлан Мәсімов 10 жылға сотталды, деп хабарлайды облыстық соттың баспасөз қызметі.
«Сотталушылар М. және С., ҚК 366, 368, 189-баптары бойынша кінәларын мойындамады және ақтауды сұрады. Е., өз кінәсін толық мойындады. Алқабилердің қатысуымен сот кесімі бойынша сотталушылар өздеріне тағылған қылмыстық әрекеттерді жасағаны үшін кінәлі деп танылды. М.-ға қылмыстардың жиынтығы бойынша мүлкін тәркілеумен, мемлекеттік қызметте лауазымдарды атқару құқығынан өмір бойына айыра отырып, 10 жыл мерзімге бас бостандығынан айыру жазасы тағайындалды. C.-ға қылмыстардың жиынтығы бойынша мемлекеттік қызметте лауазымдарды атқару құқығынан өмір бойына айыра отырып, 8 жыл мерзімге бас бостандығынан айрылды. Е.-ге мүлкін тәркілеумен, 7 жыл мерзімге коммерциялық ұйымдарда басшылық қызметін атқару құқығынан айыра отырып, 10 жыл мерзімге бас бостандығынан айыруды тағайындады», - дейді Павлодар сотынан.
Сонымен қатар сот М.-ды мемлекеттік наградасынан және генерал-майор атағынан, ал С.-ны - полковник арнайы атағынан айыру туралы ұсыныс жасады.
Одан бөлек, үкімде айтылғандай, сотталғандар келтірілген залалды өндірді.
Сот үкімі заңды күшіне енген жоқ.
Еске сала кетсек, өткен жылы 3 маусымда Павлодар облыстық Полиция департаментінің бұрынғы бастығы Нұрлан Мәсімовке іздеу жарияланған еді.
Кейін Сыбайлас жемқорлыққа қарсы іс-қимыл агенттігі Нұрлан Мәсімов туралы ақпарат берген адамға 12 млн теңгеге дейін сыйақы барын хабарлады.
2022 жылы 13 шілде де Ұлтық қауіпсіздік комитетінің өкілдері Нұрлан Мәсімовті Ресеймен шекарада ұстады.
Вам может быть интересно: «Премьеру «Дэдпула 3» перенесли на неопределенный срок из-за забастовок»
