Маңғыстау облысында жалпы білім беретін мектебі жоқ 7 елдімекен бар. Бұл туралы Маңғыстау облысы білім басқармасының баспасөз қызметінен мәлім етті
Маңғыстауда 188 мектеп 2023-2024 оқу жылын бастайды. Барлық мектептерде ағымдағы жөндеу жұмыстары жүргізіліп жатыр.
Соның ішінде «Аманат» партиясының «Өзгерістер жолы: Әр азаматқа лайықты өмір!» сайлауалды бағдарламасын жүзеге асыру аясында 20 мектепке жаңарту жұмыстары (ағымдағы жөндеу, модификация кабинеттер сатып алу, асхана, кітапхана кабинеттердің жаңарту) жүргізіліп жатыр.
Бұл мақсатқа 340 млн теңге қаржы бөлінді. Жұмыс тамыз айының аяғына дейін аяқталады.
«Облыс бойынша жалпы білім беретін мектебі жоқ 7 елдімекен бар. Өткен жылы ондағы 31 бала жақын ауылдарда орналасқан мектеп-интернаттарда жатып, білім алды» делінген баспасөз мәліметінде.
Вам может быть интересно: «В Кыргызстане проходит первый Кубок мира среди клубных команд по кок-бору»
