Алматы қаласындағы «Аюсай» бөгеті маңында Президент Қасым-Жомарт Тоқаевқа пилоттық жоба аясында орнатылған 31 цифрлық гидробекет таныстырылды. Бұл туралы Ақорда хабарлайды.
Бұл қондырғылар судың жылдамдығына, температурасына, лайлылығына және басқа да көрсеткіштерге онлайн-режимде мониторинг жүргізеді. Мұндай технологиялар келешекте еліміздің жеті таулы аймағында қолданысқа енгізіледі.
Гидробекеттердегі мәлімет ТЖМ Дағдарыс жағдайын басқару орталығының бірыңғай ақпараттық жүйесімен интеграцияланатын барлық ғылыми ұйым мен салалық ведомстволарға қолжетімді болады.
Бөгет туралы ақпарат:
– Бөгеттің биіктігі: 41,1 м;
– Бөгет қырқасының ұзындығы: 330,2 м;
– 2,3 млн.м3 сел көшкінін ұстап қала алады;
– Бөгеттің ауданы: 6,9 га;
– Жоба құны: 10,5 млрд. теңге.
Еске салайық, бүгін Мемлекет басшысы Қасым-Жомарт Тоқаев жұмыс сапарымен Алматыға барды.
Президенттің сапары биыл 1 маусымда пайдалануға берілген сел тасқынынан қорғайтын бөгетпен танысудан басталды.
Вам может быть интересно: «Дефицит финансирования препятствует оказанию помощи 18 млн жителей Мьянмы»
