Ақмола облысының ауыл шаруашылығы тауар өндірушілері егін жинау жұмыстарын бастады. Биылғы жылы өңірде 5,3 млн га алқапта ауыл шаруашылығы дақылдарын жинау жоспарлануда, деп хабарлайды облыс әкімдігінің баспасөз қызметі.
«Егіс алқаптарының негізгі бөлігін дәнді дақылдар құрайды – бұл 4,9 млн га. Майлы дақылдарды 198 мың га алаңда, жемшөп дақылдары 223,4 мың га алаңда жинау жүргізіледі. 13 мың га астам алаңнан картоп және 2 мың га көкөніс жинау жоспарлануда», - деді ауыл шаруашылығы және жер қатынастары басқармасының басшысы Кенеш Әлімжанов.
Бүгін Ақмола облысының барлық 20 ауданының фермерлері егін жинауға кірісті.
Егін орағы науқанына 29 мың астық жинайтын комбайн, трактор, жүк автомобильдері, сондай-ақ 2,6 мың орақ қатысады. Биыл 43,7 млрд теңгеге 1,5 мыңнан астам ауыл шаруашылығы техникасы сатып алынды.
2023 жылғы 23 тамыздағы жағдай бойынша 300 мың гектардан астам дәнді және бұршақты дақылдар шабылды.
Айта кетейік, Ақмола облысы Қазақстанда өсірілетін бидайдың төрттен бірін өндіреді. Бұл ретте облыс астыққа, тұқымға және жемге деген ішкі қажеттілікті толық қамтамасыз етеді.
Еске кетсек, бұдан бұрын Ақмола облысында күзгі егін орағына 7 мыңға жуық комбайн пайдаланылатынын жазған едік.
Вам может быть интересно: «Делегация ЕЭК ознакомилась с ситуацией на кыргызско-казахской границе»
