Бас прокуратурада заңсыз сатып алынған активтерді азаматтық тәркілеу мәселелері бойынша семинар өткізілді, деп хабарлайды ҚР Бас прокуратурасының баспасөз қызметі.
Бас прокуратурада Экономикалық ынтымақтастық және даму ұйымының (ЭЫДҰ) Шығыс Еуропа және Орталық Азия бойынша Сыбайлас жемқорлыққа қарсы желі (ACN) жобасы шеңберінде Қазақстанда сыбайлас жемқорлыққа қарсы күрес, қылмыстық кірістерді жылыстату және азаматтық тәркілеу мәселелері бойынша семинар өткен.
Оған АҚШ, Украина, Армения, Румыния, Литва және Қазақстанның құқық қорғау органдарының қызметкерлері мен сарапшылары қатысты.
Азаматтық тәркілеу – мемлекетке қылмыстық іс қозғаусыз заңсыз сатып алынған мүлікті мәжбүрлеп қайтаруға мүмкіндік беретін сыбайлас жемқорлыққа қарсы құралдардың бірі.
Ол тұлға активтердің шығу заңдылығын растамаған жағдайда қолданылады (мысалы, егер активтің құны олардың иелерінің кірістерінен асып кетсе).
Іс-шараның мақсаты – санкциялар мен тәркілеу шараларын қолдану бойынша әлемдік озық тәжірибелермен алмасу және талқылау.
Тренинг барысында Қазақстанның осы саладағы заңнамасын жетілдірудің практикалық және құқықтық аспектілері қаралды.
Заңсыз шығарылған активтерді мемлекетке қайтару мәселелері бойынша халықаралық ынтымақтастық бүгінде Бас прокуратура жұмысындағы басым бағыттардың бірі болып табылады.
Вам может быть интересно: «В результате столкновения на севере Буркина-Фасо погибли 53 военнослужащих»
