Қазақстан Республикасы Сыртқы істер министрінің орынбасары Әлібек Бақаев Сауд Арабиясы Корольдігінің Қазақстандағы Елшісі Файсал Әл-Кахтаниді қабылдады.
Кездесу барысында сауд дипломаты Ә. Бақаевқа САК Тақ мұрагері – Премьер-Министрі, ханзада Мұхаммед бен Салман Әл Саудтың ҚР Президенті Қасым-Жомарт Тоқаевқа жолдаған Жолдауын табыс етті. Жолдауда саудтық ханзада Корольдіктің Қазақстанмен жан-жақты қарым-қатынастарын кеңейтуге мүдделі екенін растады.
Тараптар екіжақты және көпжақты ынтымақтастықтың, соның ішінде алдағы іс-шаралар аясындағы өзекті мәселелерін талқылады, сондай-ақ Мемлекет басшысының «Орталық Азия – Шығанақтағы араб мемлекеттерінің ынтымақтастығы кеңесі» форматындағы диалог алаңының бірінші Саммитіне қатысу үшін Жидда қаласына жақында жасаған жұмыс сапарының қорытындылары бойынша пікір алмасты.
Кездесу қорытындысы бойынша тараптар екі ел арасындағы өзара қызығушылық тудыратын түрлі салалардағы ынтымақтастықты нығайту бойынша күш-жігерді жалғастыруға келісті.
Вам может быть интересно: «Саудовская Аравия и Россия продлят сокращение добычи нефти до конца года»
