Польшаның Быдгощ қаласында жылдам шахматтан (рапид) әйелдер арасында командалық әлем чемпионаты басталды, деп хабарлайды ҚР шахмат федерациясы.
Турнирге 12 команда қатысуда. Олар екі топқа бөлінген.
Қыздарымыз Грузия, Украина, Үндістан, Франция және Мысырмен ойнайды. Алдын ала өткен турнирлердің қорытындысы бойынша екі үздік команда анықталады. Олар кубок жүйесі бойынша 1-4 орындарды өзара бөліспек.
Бірінші кездесуде қазақстандық шахматшылар Мысыр құрамасын 3:1 есебімен жеңді (Бибісара Асаубаева мен Меруерт Камалиденова жеңіске жетті, ал Ксения Балабаева мен Алуа Нұрманова ойындарын тең аяқтады).
Екінші айналымда біздің құрама Үндістан командасын ұтты. Жеңіс ұпайын Әмина Қайырбекова әкелді.
Енді Франция мен Украина командаларымен өтетін келесі екі матч өте маңызды болмақ.
Вам может быть интересно: «Саудовская Аравия и Иран обменялись послами после семилетнего перерыва»
