Қазақстанның Испаниядағы Елшісі, БҰҰ Дүниежүзілік туристік ұйымы (ЮНВТО) жанындағы Қазақстан Республикасының Тұрақты өкілі қызметін қоса атқарушы Данат Мұсаев ЮНВТО Бас хатшысы Зураб Пололикашвилиға сенім грамоталарын тапсырды.
Кездесу барысында қазақстандық дипломат ЮНВТО-ның Бас хатшысын Мемлекет басшысының «Әділетті Қазақстанның экономикалық бағдары» атты Қазақстан халқына Жолдауы аясында ҚР Туризм және спорт министрлігінің құрылуы туралы хабардар етті. Осыған байланысты, Д. Мұсаев Қазақстанның туристік саласының өсіп келе жатқан рөлі мен зор келешегін атап өтті.
Келіссөздер барысында сұхбаттасушылар Қазақстан мен ЮНВТО арасындағы өзара іс-әрекеттердің жандандырудың өзекті мәселелерін қарастырды. Атап айтқанда, тараптар туристік гидтерді дайындау мақсатында ҚР-дың жоғары оқу орындарының бірінде ЮНВТО туризм академиясын құру мүмкіндігін, сондай-ақ ЮНВТО кеңсесін ашу және халықаралық ұйымның басымдықтары шеңберінде басқа да маңызды жобаларды іске асыруды талқылады.
Өз кезегінде З. Пололикашвили ҚР Тұрақты өкілін жаңа лауазымға тағайындалуымен құттықтап, Қазақстанның бастамаларын қолдауға дайын екенін мәлімдеді. Бас хатшы Қазақстан ЮНВТО-ның және жалпы туристік саланың дамуына маңызды үлес қосуды жалғастыратынына сенім білдірді.
Вам может быть интересно: «США провели испытание ракеты Minuteman III»
