Президент Қасым-Жомарт Тоқаев SINOPEC корпорациясының басшысы Юй Баоцайды қабылдады, деп хабарлайды Ақорда.
Мемлекет басшысына SINOPEC компаниясының еліміздегі қызметінің қорытындысы және алдағы кезеңге арналған жоспары жөнінде мәлімет берілді.
Әңгімелесу барысында геологиялық барлау және мұнай-газ химиясы өнімдерін өндіру салаларындағы ынтымақтастық перспективалары талқыланды.
Президент отандық компаниялардың SINOPEC корпорациясымен өзара іс-әрекеті Қазақстан мен Қытайдың стратегиялық серіктестігін нығайтуға ықпал ететініне сенім білдірді.
Қасым-Жомарт Тоқаев энергетика және химия салаларындағы бірлескен жобаларды жүзеге асыру кезінде су үнемдейтін технологияларды енгізу маңызды екеніне назар аударды.
Еске салайық, бүгін таңертең Үкімет басшысы Әлихан Смайылов Sinopec компаниясының президенті Юй Баоцаймен мұнай-газ саласында жаңа жобаларды жүзеге асыру мәселелерін талқылаған болатын.
Вам может быть интересно: «Замгенсекретаря ООН призвал усилить поддержку миротворчества»
