2023 жылғы 11 қыркүйекте Қазақстан Республикасы Бәсекелестікті қорғау және дамыту агенттігінің (Агенттік) алаңында Агенттік Төрағасы Марат Омаровтың Беларусь Республикасының монополияға қарсы реттеу және сауда министрі (МҚРС) Алексей Богдановпен және Беларусь Республикасының Қазақстан Республикасындағы Төтенше және Өкілетті Елшісі Павел Утюпинмен екіжақты кездесуі өтті.
Монополияға қарсы ведомстволардың басшылары екі елдегі ағымдағы ахуалды және бәсекелестікті күшейту бойынша қабылданып жатқан шараларды талқылады, бәсекелестікті қорғау және дамыту саласындағы, оның ішінде цифрлық нарықтардағы, байланыс, дәрілік заттар, биржалық бақылау нарықтарындағы өзекті кейстермен бөлісті.
Сондай-ақ, тараптар жүргізіліп жатқан тергеулер бойынша сараптамалық консультациялық көмек алу, сондай-ақ цифрлық нарықтар мен цифрлық платформаларды реттеу, халықаралық картельдерге қарсы күрес және т. б. мәселелерді қарау шеңберінде тәжірибе алмасу мақсатында бәсекелестік саясат пен құқық қолдану саласындағы екіжақты ынтымақтастықты одан әрі күшейтуді талқылады.
Вам может быть интересно: «США пригрозили санкциями в случае поставок оружия из Северной Кореи в Россию»
