Биыл Молдағалиев көшесі мен Чехов көшесіндегі жаяу-серуендеу аймағы аяқталды, сондай-ақ №6 Оқушылар үйінің жанындағы саябақ қайта жаңартылды. Бұл туралы қала басшысы Ерболат Досаев Түрксіб ауданының тұрғындарымен кездесуде мәлімдеді.
Бұл жобалар Сауранбаев көшесі бойында бұрын жабдықталған серуендеу аймағының жалғасы іспетті. Қазан айының соңына дейін Әуежай алаңын жөндеу жұмыстары - субұрқақ, суару жүйесін орнату, жаяу жүргіншілер жолдарын жаңарту аяқталады.
"Экология және қоршаған орта басқармасы жыл соңына дейін скандинавиялық серуендеуге арналған экожолдары бар Баум тоғайын абаттандыру, КПФр орнату, рекреациялық және жағажай аймақтарын жайластыра отырып, Үлкен Алматы каналын абаттандыру, жаяу жүргіншілер көпірлерін жаңарту, сондай-ақ Майлин көшесінен қала шекарасына дейін Кіші Алматы өзені бойындағы жаяу жүргіншілер-серуендеу аймағын абаттандыру бойынша ЖСҚ әзірлейтін болады. Жобаларды іске асыру 2024 жылдың II тоқсанында басталады", – деді Ерболат Досаев.
Вам может быть интересно: «Киев и Варшава договорились решить проблему экспорта украинской агропродукции»
