2023 жылғы 21-22 қыркүйек аралығында бас прокурордың орынбасары Ұлан Байжановтың төрағалығымен Бас прокуратура делегациясының Францияның Лион қаласындағы Интерпол штаб-пәтеріне сапары өтті.
Сапар аясында Интерпол полиция қызметінің атқарушы директоры – Интерпол Бас хатшысының орынбасары Стивен Каванмен және Интерполдың қаржылық қылмыстар мен сыбайлас жемқорлыққа қарсы күрес орталығының директоры Исаак Кехинде Огиннимен кездесу өтті.
Тараптар Қазақстаннан заңсыз шығарылған активтерді іздеу, оларға, тыйым салу және қайтару ісінде Интерполдың цифрлық және жедел мүмкіндіктерін пайдалану туралы уағдаласты.
Интерпол әлемдегі ең ірі құқық қорғау ұйымы, оның құрамына 195 ел кіреді. Бұл көрсеткіш бойынша Интерпол БҰҰ-дан кейінгі екінші орында.
Сонымен қатар, Интерпол аймақтық құқық қорғау ұйымдарымен (Еуропол, Карин және т.б.) кеңінен ынтымақтасады.
Интерполдың әлеуеті Қазақстанның активтерді іздеу және қайтару мүмкіндіктерін кеңейтуге мүмкіндік береді.
Вам может быть интересно: «Армения призвала к развертыванию миссии ООН в Нагорном Карабахе»
