ҚР Әділет министрлігі, Республикалық нотариаттық палатасы және "Ұлттық ақпараттық технологиялар" АҚ-мен бірлесіп бейнеқоңырау арқылы "ерлі-зайыптылардың Нотариаттық келісімін Онлайн ресімдеу" қызметін енгізді. Осы жылдың 25 қыркүйегінен бастап көрсетілетін қызмет «eGov Mobile» платформасында қолжетімді болады, - деп хабарлады Әділет министрлігінің баспасөз қызметі.
Әділет вице-министрі Бекболат Молдабековтің айтуынша, бұл жаңашылдық ерлі-зайыптылардың нотариаттық келісімін ресімдеу процесін анағұрлым жеңілдетеді. Азаматтар нотариусқа жүгінбей-ақ қажетті келісімді жылдам әрі ыңғайлы түрде ала алады. Процесс биометриялық сәйкестендірудің заманауи технологияларын қолдана отырып, деректердің қауіпсіздігі мен құпиялылығын қамтамасыз етеді.
«Онлайн форматтың артықшылығы – нотариусқа жүгінуге кететін уақыт пен шығындарды үнемдеу, сондай-ақ өзіне ыңғайлы мерзімде алу мүмкіншілігі» - деп атап өтті Бекболат Молдабеков.
Қызметті алу үшін: 1) «eGovMobile» платформасында тіркелу; 2) өтініш нысанын толтыру және биометриялық тексеруден өту; 3) бейнеқоңырау бойынша келісімді ресімдеу; 4) нотариустың қызмет ақысын төлеу; 5) нәтижесінде, құжат «Цифрлық құжаттар» сервисінде қолжетімді болады.
Вам может быть интересно: «Японскому производителю еды запретили вести деятельность из-за случаев пищевого отравления»
