Кездесуде көлік-логистика, автожол және авиация салаларының бағыттары бойынша нақты мәселелер талқыланды. Осылайша өткен жылы екі ел арасындағы жүк тасымалы рекордтық көрсеткіш 23,2 млн тоннаға дейін жеткен, биыл бұл көрсеткішті 27 млн тоннаға жеткізу жоспарланып отыр. Министр отыз күнге дейін өзара визасыз режимді енгізу өз кезегінде тасымалдың ұлғаюына ықпал етіп, транзиттік әлеуетті дамыту үшін жаңа мүмкіндіктер ашатынын атап өтті.
Тараптардың айтуынша, Транскаспий халықаралық көлік бағыты бүгінгі таңда стратегиялық маңызға ие әрі екі ел арасындағы өзара іс-қимыл деңгейін айтарлықтай арттыруға қабілетті. Келіссөздер барысында аталған халықаралық көлік бағытын дамыту жөніндегі үкіметаралық келісімге қол қоюда қыруар жұмыс атқарылғаны атап өтілді. Сонымен қатар инфрақұрылымдық кешенді дамытуға және өткізу қуатын арттыруға байланысты жобаларды іске асыру барысы талқыланды.
Азаматтық авиация саласындағы ынтымақтастық мәселесіне келетін болсақ, бүгінде Қазақстан Республикасы мен Қытай Халық Республикасы арасында аптасына 22 тұрақты рейс орындалады. Осы айда Ханчжоу-Алматы бағыты бойынша тағы бір тұрақты рейс іске қосылды.
Вам может быть интересно: «Маккарти призвал Байдена ужесточить охрану границы для предотвращения шатдауна»
