Жол қозғалысы қауіпсіздігі мәселелері тақырыбында өткен ҚР Үкіметінің кезекті отырысында көлік министрінің міндетін атқарушы Талғат Ластаев Қазақстанда автомобильдердің қарама-қарсы соқтығысуын болдырмау үшін республикалық маңызы бар 3 мың шақырым жол I техникалық санатқа ауыстырылып, бөлу жолақтары мен тосқауылдары орнатылғанын хабарлады.
«Алдағы уақытта қозғалыс қарқындылығына қарамастан қалалар арасында 4 жолақты қозғалысы бар 4 мың шақырымнан астам республикалық автожол салу жоспарланған. Бұл «Жезқазған-Қарағанды», «Атырау-Орал», «Ақтөбе-Қызылорда», - деді баяндамашы.
Құрылыс кезеңінде жол-көлік апаттарының санын азайту үшін министрлік бірқатар жүйелі шара қабылдауда. Мәселен, жолдарды бөлек салу мәселесі нормативті түрде бекітіліп, бұл уақытша айналма жолдарда жол-көлік оқиғаларының санын азайтуға мүмкіндік береді. Бұл норма жобаланып отырған «Ақтөбе-Қарабұтақ-Ұлғайсын» және «Қарағанды-Жезқазған» жобаларында алғаш рет іске асырылатын болады.
Сонымен қатар Т.Ластаев халықаралық қаржы институттарының қарыздары есебінен қаржыландырылатын жол жобаларында EuroRAP консультанттары міндетті түрде жол қауіпсіздігін бағалау жұмыстарын жүргізетінін айтты. ХҚДБ қаражаты есебінен 5 мың шақырым республикалық автожол тексерілді. ЕҚДБ қарызы шеңберінде тағы 5 мың км бағалау жұмыстары жалғасатын болады. Жол қауіпсіздігін бағалауды жүргізу жұмыстары «Балқаш-Бурылбайтал» және «Қызылорда-Жезқазған» қайта құру жобаларында көзделген. Болашақта мұндай жұмыстарды басқа жобалар шеңберінде де жүргізу жоспарлануда.
Вам может быть интересно: «Гутерриш: многообразие нашей человеческой семьи – это богатство, а не угроза»
