Бұл туралы New Silk Way VI Халықаралық көлік-логистикалық бизнес-форумы аясында «Автокөлік қызметтерінің жаңа мүмкіндіктері» тақырыбындағы панельдік сессия барысында Көлік комитеті төрағасының орынбасары Қуанышұлы Селим мәлімдеді
Ол жасаған баяндамасында автокөлік саласының қазіргі жағдайы және оның даму перспективалары туралы ақпарат берді. Спикер қазіргі уақытта алыс шетел бағытына 7,6 мың автокөлік құралымен қамтылған паркі бар 370 қазақстандық тасымалдаушы жұмылдырылғанын атап өтті. Халықаралық тасымалдармен қамтамасыз ету үшін 42 елмен тиісті келісімдер жасалған.
Бұдан басқа, отандық автопаркті толықтыру мақсатында халықаралық тасымалдармен айналысатын ершікті тартқыштарды бастапқы тіркегені үшін кәдеге жарату алымдарын төлеу қажеттілігі жойылды.
Жалпы өткен жылдың қорытындысы бойынша халықаралық бағытта 6,4 млн тонна жүк тасымалданды, бұл 2021 жылғы көрсеткіштен 8,7%-ға артық. Бұл ретте отандық жүк тасымалдаушылардың үлесі бір жылда 31-ден 42 пайызға дейін өсті.
Комитет төрағасы орынбасарының айтуынша, алдағы уақытта уәкілетті мемлекеттік орган Орта және Оңтүстік дәліздердің баламалы бағыттарын дамытуды жоспарлап отыр. Бұл үшін Каспий және Қара теңіз порттары жұмылдырылатын болады.
Вам может быть интересно: «Певица Граймс подала в суд на Илона Маска из-за родительских прав на троих детей»
