Маңғыстау атом энергетикалық комбинатындағы жөндеу жұмыстары күзден кейін де жалғасады. «Самұрық-Қазына» АҚ қоғамдық кеңесінде «KEGOK» АҚ ұлттық диспеткерлік орталығының директоры Ерасыл Шынасылов осындай мәлімет айтты.
«МАЭК-тегі №2 Жылу-электр орталығының екі турбоагрегаты істен шыққан болатын. Қандай сабақ алдыңыздар? Ондай апат болмау үшін не істеп жатырсыздар?», - деп сұрады қоғамдық кеңес төрағасы Болат Жәмішев.
«KEGOK» өкілінің айтуынша, аталған №2 жылу-электр орталығының генераторын жөндемесе, апат қайталануы мүмкін.
«МАЭК туралы айтсақ, менің білуімше кәсіпорын жаңа реттегіш қондырғы салып жатыр. Оның ішінде пайдалы әсер коэффиценті анағұрлым жоғары газ турбинасын орнатады. Қазір қолданыстағы қондырғыны реконструкциялап жатыр. №2 блок жөнделуде. Оның генератор білігі Алматыда жөнделіп жатыр. Қарашаның аяғына қарай іске қосылу керек. Осыдан кейін №3 блокта жөндеу жұмыстары басталады. Бір сөзбен айтқанда ол жерде генераторды жөндемесе болмайды», - деді «KEGOK» АҚ ұлттық диспеткерлік орталығының директоры Ерасыл Шынасылов.
Вам может быть интересно: «Акимы Алматы и Алматинской области обсудили перспективы развития Алматинской агломерации на ближайшие пять лет»
