Бұл туралы «Контрафактімен күрес – 2023» халықаралық форумында ҚР Әділет министрлігі Зияткерлік меншік құқығы департаментінің директоры Шолпан Әбдіреева мәлімдеді.
Форум Ресей Федерациясының Санкт-Петербург қаласында өтуде. Шолпан Әбдіреева "Контрафактілік өнім айналымына қарсы іс-қимылдағы құқықты қолдану тәжірибесінің жаңа тенденциялары» атты талқылау сессиясында ҚР зияткерлік меншік саласындағы құқықты қолдану тәжірибесі туралы баяндама жасады.
Шолпан Әбдіреева өз баяндамасында Дүниежүзілік зияткерлік меншік ұйымының деректері бойынша әлемдік контрафактілік нарықтың көлемі дүниежүзілік жалпы ішкі өнімнің шамамен 5% құрайтынын атап өтті.
Авторлар мен сабақтас құқық иелерінің құқықтарын қорғаудың тиімділігін арттыру үшін қазіргі уақытта авторлық құқық объектілерін заңсыз пайдаланғаны үшін әкімшілік жауапкершілікті енгізу туралы заң жобасы әзірленіп жатқанын айтты.
Одан бөлек ҚР Қылмыстық кодексіне өзгерістер мен толықтырулар енгізу мәселесі қаралып жатқанын атап өтті. Сондай ақ Қазақстанда штрих-кодтау, таңбалау және бақылау сияқты озық технологиялар белсенді түрде енгізіліп жатқанын айтып өтті.
Естеріңізге сала кетейік, 5 және 6 қазанда Санкт-Петербург қаласында жыл сайын ұйымдастырылатын «Контрафактімен күрес-2023» халықаралық форумы өтуде. Форум Еуразиялық экономикалық одаққа мүше мемлекеттерде өтіп отырады.
Форумға Еуразиялық экономикалық комиссияның және басқа да халықаралық ұйымдардың өкілдері, құқық қорғау және кеден органдарының қызметкерлері, зияткерлік меншік құқықтарын қорғау саласында жұмыс істейтін Еуразиялық одаққа мүше мемлекеттердің заңгерлері қатысуда.
Вам может быть интересно: «Крупнейший банк Италии стал инвестором SpaceX»
