2023 жылғы наурызда орта білім берудегі жан басына шаққандағы қаржыландырумен байланысты шаралардың іске асырылу, сондай-ақ мемлекеттік-жекешелік әріптестік жобаларының іске асырылу тиімділігіне мемлекеттік аудит жүргізілді.
Аудит барысында мемлекеттік білім беру тапсырысын жеке меншік білім беру ұйымдарына орналастыруға өтінімдерді қабылдау рәсімінің автоматтандырылмағаны анықталды. Оператор үміткерлерден өтініштерді қағаз жеткізгіштерде және/немесе электрондық пошта арқылы қабылдайды, осылайша ашықтық пен анықтық қамтамасыз етілмейді.
Осыған байланысты, ҚР Оқу-ағарту министрлігіне (ҚР ОАМ) жан басына шаққандағы қаржыландыру мониторингін жүргізу үшін «Мемлекеттік білім беру және студенттік кредиттерді, білім беру кредиттері бойынша кепілдік міндеттемелерді өтеуді есепке алу және мониторингтеу» АЖ-ның («Қаржы орталығы» АҚ) «Ұлттық білім беру дерек қоры» АЖ-мен интеграциялық өзара іс-қимылын қамтамасыз ету және барлық меншік нысанындағы білім беру ұйымдары оқушыларының ата-аналарын онлайн хабардар ету (оқушыларды тіркеу және шығару).
Тапсырманы орындау үшін 2023 жылғы 31 тамыздағы актімен «Мемлекеттік білім беру және студенттік кредиттерді, білім беру кредиттері бойынша кепілдік міндеттемелерді өтеуді есепке алу және мониторингілеу» ақпараттық жүйесінің («Қаржы орталығы» АҚ) «Ұлттық білім беру дерек қоры» ақпараттық жүйесімен интеграциялық өзара іс-қимылы қамтамасыз етілді, сондай-ақ «Балаларды жалпы білім беретін оқу орындары арасында ауыстыру үшін құжаттарды қабылдау» мемлекеттік көрсетілетін қызмет бойынша «Egov Mobile» қосымшасында Push-хабарламаларды көрсетілетін қызметті алушының жеке кабинетіне жіберу бөлігінде алгоритм әзірленді.
Вам может быть интересно: «СБ ООН провел заседание по ситуации между Палестиной и Израилем»
