«Келесі жылы елімізде тұңғыш рет бірегей спорттық іс-шара- Дүниежүзілік көшпенділер ойындары өтеді. Осы орайда дүниежүзілік ойындарды өткізу жөніндегі ұйымдастыру комитетінің өкілдерімен кеңес өткіздім.
Мемлекет басшысы еліміз үшін маңызды іс-шараны ең жоғары деңгейде ұйымдастыруды тапсырды. Жарысқа дайындық қарқынды жүріп жатыр. Кездесу барысында біз көптеген ұйымдастырушылық аспектілерді талқыладық және осы ойындарды өткізудің егжей-тегжейлі стратегиясын жасап, қарастыра бастадық.
Дүниежүзілік көшпенділер ойындары - бұл этникалық спорт түрлері мен Орталық Азия халықтарының дәстүрлі ойындары спорттық сайыста тоғысатын алаң. Бұл ойындар біздің мәдениетіміз бен мұрамыздың арасындағы алтын көпір. Спортшылар қазақ күресі, көкпар, құсбегілік, асық ату және басқа да қазақ ұлттық спорт түрлерінен бақ сынайды.
Дүниежүзілік көшпенділер ойындарына әлемнің түкпір-түкпірінен, тіпті дәстүрлі түрде көшпелі емес елдерден командалар қатысады деп жоспарлануда. Мысалы, 2 жыл бұрын Түркияда өткен соңғы жарыстарға 100-ден астам ел мен 3000 мыңнан астам спортшы қатысқан болатын»,- деп жазды министр Telegram каналында.
Вам может быть интересно: «Блинкен вернулся в Израиль после переговоров с лидерами арабского мира»
