2023 жылғы 17 қазанда Құтқарушылар күні қарсаңында Астана қаласы Үркер шағын ауданында өрт сөндіруші Асқар Серікұлы Забикулиннің аты берілген көшенің ашылуы өтті.
Мемлекет басшысының тапсырмасы бойынша Астана қаласы мәслихатының 2023 жылғы 19 қаңтардағы шешімімен Астана қаласындағы көшелердің біріне ержүрек өрт сөндірушінің есімін мәңгі есте сақтау мақсатында Асқар Забикулиннің есімі беріліп, естелік тақтайша орнатылған. БүгінКөшенің ашылуына Асқар Забикулиннің туыстары, жолдасы мен балалары жәнет азаматтық қорғау органдарының ардагерлері, Астана қаласы ТЖД басшылығы мен жеке құрамы қатысты. Іс-шара барысында Асқар Забикулиннің жақындары, ТЖД қызметкерлері мен ардагерлері ағаш отырғызды
Астана қаласы Төтенше жағдайлар департаменті өрт сөндіру және авариялық-құтқару жұмыстары қызметі жедел кезекшісінің көмекшісі Асқар Забикулин өрт сөндіру кезінде 3 адамның өмірін құтқарып, алған ауыр жарақаттан 20 қараша күні ауруханада көз жұмған болатын. Оның артында жұбайы мен екі баласы қалды.
Қызметтік борышқа адалдық, мамандыққа деген сүйіспеншілік, мінездің беріктігі мен жауаптылығы бұл Асқар Забикулинның бойындағы қасиеттер еді. Оның батыл да батыр іс-әрекеттері менбейнесі мәңгі жадымызда қалады.
Вам может быть интересно: «Сотни погибших в результате ракетного удара по больнице в Газе, объявлен трехдневный траур»
