Астана қаласында Австрия, Түркия, Венгрия, Чехия және Ресей ғалымдары мен сарапшыларының, сондай-ақ ҚР Парламенті депутаттарының, орталық және жергілікті атқарушы органдар, ҮЕҰ және халықаралық ұйымдар өкілдерінің қатысуымен «Отбасы – Қазақстанның тұрақты демографиялық дамуының негізі» атты, отбасылық және демографиялық саясат мәселелері бойынша халықаралық конференция өтті.
Сарапшылар Қазақстанның демографиялық жағдайына қатысты өзекті мәселелерді, оң үрдістерді, елдің демографиялық дамуының міндеттерін, өңірлердің отбасылық-демографиялық дамуын болжау мен ерекшеліктерін талқылады.
«2021 жылы біз соңғы 34 жылдың ішіндегі ең жоғары туу көрсеткішіне жеттік. Жалпы туу коэффициенті 3,3-і құрайды, бұл қарапайым халықтың көбею деңгейінен асып түседі. Соңғы 10 жылда халық саны шамамен 3 миллион адамға өсті. 2023 жылдың соңына қарай Қазақстан халқының саны 20 миллионға жетеді деп күтілуде. Осыған байланысты, Мемлекет басшысы біздің алдымызға: қазіргі демографиялық үрдістерді – бәсекелестік артықшылықтарға айналдыру міндетін қойып отыр. Соңғы жылдары біз бақылап отырған жоғары туу коэффициенті – адами капиталдың сапасына әсер етпеуі керек. Отбасы институтының қолайлы дамуы үшін жағдай жасау, лайықты өмір мен жұмысқа орналасуды қамтамасыз ету – біздің күш-жігер жұмсайтын негізгі аспектілеріміз»,- деп атап өтті, Қазақстан Республикасының Президенті жанындағы Әйелдер істері және отбасылық-демографиялық саясат жөніндегі Ұлттық комиссияның төрағасы, Мәдениет және ақпарат министрі Аида Балаева.
Айта кетейік, Қазақстанда халықтың өмір сүру жасының ұзақтығы артып келеді. 2022 жылғы көрсеткіш бойынша бұл – 74,4 жасты құрады. Бұл ретте халық құрылымында жастар үлесінің өсуі байқалады. Ел азаматтарының орташа жасы - 32. Жастардың үлесі шамамен 30% құрайды. Бұл үрдіс одан әрі арта түседі.
Вам может быть интересно: «Гуманитарная помощь для сектора Газа скапливается в Египте»
