Қазақстан Республикасы Өнеркәсіп және құрылыс министрлігі ғимаратында вице-министр Ілияс Оспанов пен Корея Республикасының Сауда, индустрия және энергетика министрі Ан Дук Гын мырзаның кездесуі өтті.
Кездесуге сонымен қатар KIA, KOTRA, KIAT, KHNP, Doosan Enerbility, Samsung Electronics, Hanwha Energy сияқты жетекші корей компанияларының өкілдері, сондай-ақ ҚР ӨҚМ Геология, Өнеркәсіп, Құрылысжәне тұрғын үй-коммуналдық шаруашылық комитеттерінің өкілдері қатысты.
Кездесу барысында Қазақстан Республикасының Өнеркәсіп және құрылыс министрлігі мен Корея Республикасының Сауда, индустрия және энергетика министрлігі арасында өзара түсіністік туралы меморандумға қол қойылды.
Кездесуге қатысушылар атап өткендей, бұл Меморандум екі ел арасындағы өнеркәсіпті дамыту, сауда мен инвестицияны ілгерілету сияқты негізгі салалардағы ынтымақтастықтың жаңа мүмкіндіктерін ашады. Екі жақ та қарым-қатынастардың одан әрі нығая түсетініне сенім білдіріп, осы Меморандумды тереңірек және жан-жақты серіктестік жолындағы маңызды қадам деп санайтынын алға тартты.
«Меморандумның негізгі мақсаты – инвестиция тарту және өзара қорғау. Айта кетейік, қазір корей-қазақ қарым-қатынасының жаңа дәуірі басталып жатыр, біздің де, корейлік бизнес өкілдері де бір-бірімен жұмыс істеуге белсенді түрде қызығушылық танытып отыр. Бізді ерекше қызықтыратыны, әрине, өңдеуші өнеркәсіп және машина жасау компанияларына салынған инвестиция. Қазіргі уақытта көптеген қызықты жобалар жүзеге асырылуда. Осылайша, машина жасау саласын локализациялау, жинақтаушы бұйымдарды өндіру бойынша басқа деңгейге көтеріліп жатқан KIA және Hyundai компаниялары көрсетеді, сонымен қатар электротехникалық өндірісте де қызықты жобалар бар», - деп атап өтті И.Оспанов.
Өз кезегінде министр Ан Дук Гын мұндай кездесулер екі ел арасындағы инвестициялық байланысты нығайтуға септігін тигізетініне сенім білдірді. Ол қарқынды ынтымақтастық Оңтүстік Корея мен Қазақстан арасындағы екіжақты қарым-қатынастарды дамытудың негізгі факторына айналып отырғанын атап өтті.
Кездесуде Kia маркалы автокөліктер өндірісін кеңейту жобасы да талқыланды. Қостанайда Kia-ның 13 моделі сәтті шығарылады. Өндірістік қуаты жылына 10 000 автомобильді құрайтын Kia - Cerato моделінің сериялық CKD өндірісін іске қосу күтілуде. Сондай-ақ Қостанайда қуаттылығы жылына 70 мың жеңіл автомобильге дейін жететін KIA автокөліктерін шығаратын жаңа зауыт салу жоспарлануда. Алматыда Hyundai жеңіл автомобильдер өндірісі. Бұл ынтымақтастықтың арқасында бірнеше модельді, соның ішінде 2023 жылы жаңа Hyundai i20 моделін шығарыла бастады.Сондай-ақ бірлескен жобалардың қатарында «Астана Моторс» оңтүстіккореялық Youngsan Glonet Corporation компаниясымен автокөлік орындықтарын шығаруды жоспарлап отыр, ол 2024 жылы іске қосылады деп күтілуде.
Кездесуде геология саласындағы ынтымақтастық жайы да сөз болды. Корей геология ғылыми-зерттеу институты Қазақстанның Қазгеологиясымен бірлесіп Шығыс Қазақстан облысындағы Баккенное литий кен орнын барлау және игеру бойынша белсенді жұмыс жүргізуде.
Кездесуге қатысушылар сонымен қатар Қазақстан делегациясының ағымдағы жылдың қазан айының соңында болатын Кореяға алдағы сапарының жоспарларымен бөлісті.
Вам может быть интересно: «Из школьной программы в Израиле уберут упоминания об экоактивистке Грете Тунберг»
