Қарағанды облысының мүгедектер спорты мектебінің тәрбиеленушісі Роман Потапов Ханчжоуда өткен Азия пара ойындарының қола жүлдегері атанды.
Жиырма жасар спортшы S12 сыныбында ерлер арасында 100 метр қашықтықта жүзуде ерекшеленді. Қарағандылық жүзуші 1:10.25 уақытымен қола медаль жеңіп алды.
Роман Потапов – көру қабілеті бұзылған спортшы. Ауруына қарамастан, ол халықаралық дәрежедегі спорт шебері, пара жүзу бойынша ҚР бірнеше дүркін чемпионы, Паралимпиада ойындары мен ҚР Спартакиадасының, Дубайдағы жасөспірімдер Азия ойындарының (2017 ж.) жеңімпазы. Тегеран ашық Ұлттық чемпионатының жүлдегері (екінші орын, 2022), Дүниежүзілік пара жүзу сериясы (екі күміс медаль, 2023, Сингапур), әлем чемпионатының қатысушысы (Манчестер, 2023, жетінші).
Жүзушіні ҚР еңбек сіңірген жаттықтырушысы Евгения Приходько жаттықтырады.
Вам может быть интересно: «Премьеру восьмой части фильма «Миссия невыполнима» перенесли на май 2025 года»
