Қазақстанның Испаниядағы Елшісі Данат Мұсаев Испанияның Сыртқы істер, Еуропалық Одақ және ынтымақтастық министрлігінің Біріккен Ұлттар Ұйымы, халықаралық ұйымдар және адам құқықтары жөніндегі Бас директоры Сесилия Роблеспен кездесу өткізді.
Әңгімелесу барысында тараптар достық пен серіктестік рухында өзара қолдау көрсетуге дайын екендіктерін жеткізді.
Д. Мұсаев сұхбаттасушыға аса маңызды халықаралық платформалар аясында айтылған Қазақстан Республикасының соңғы бастамалары туралы ақпаратты жеткізді.
С. Роблес Қазақстан Республикасының БҰҰ және басқа да ұйымдар аясындағы жұмысын жоғары бағалады, оның аясында қазақстандық тарап өңірлік және жаһандық сипаттағы әртүрлі мәселелерді белсенді түрде көтеріп келеді деген пікір білдірді. Қарусыздану және гуманитарлық дипломатия мәселелеріндегі Қазақстан Республикасының рөлі ерекше атап өтілді.
Тараптар Қазақстан мен Испания арасындағы стратегиялық ынтымақтастықты одан әрі нығайту үшін тұрақты байланыстарды жалғастыруға келісті.
