Экология және табиғи ресурстар министрі Е.Нысанбаев Шардара су қоймасын балықтандыру іс-шарасына қатысты.
Мемлекеттік тапсырыс аясында балықтандыру жұмыстарын ЭТРМ Балық шаруашылығы Комитеті ұйымдастырды. «ХАМИТ» АӨК 100 мың данаға жуық тұқы және дөңмаңдай балық шабақтарын жіберді.
Айта кету керек, аталған шаруашылық мемлекеттік тапсырыс шеңберінде ағымдағы жылы Шардара су қоймасына шамамен 950 мың дана тұқы тұқымдас балық шабақтарын жіберді.
Жалпы, балық өсіру кәсіпорындары мемлекеттік тапсырыс шеңберінде ағымдағы жылдың басынан бастап Қазақстанның су айдындарына шамамен 100 млн. дана бағалы балық шабақтарымен балықтандырды.
