Бүгін ҚР Мәдениет және ақпарат министрі Аида Балаева Құрманғазы атындағы Қазақ ұлттық консерваториясының ректоры қызметіне тағайындалған Нұркен Әшіровті өнер-білім ордасының ұжымына таныстырды.
Нұркен Әшіров Қазақстанның еңбек сіңірген қайраткері, Мемлекеттік стипендия иегері.
2004-2010 жылдары Н.Тілендиев атындағы «Отырар сазы» фольклорлық-этнографиялық оркестрінің Бас концертмейстері және солисі қызметін атқарған.
2018-2019 жылдар аралығында Құрманғазы атындағы ҚҰК Халық музыкасы факультетінің деканы қызметін атқарған.
2019 жылдан қазіргі уақытқа дейін Ахмет Жұбанов атындағы дарынды балаларға арналған республикалық қазақ мамандандырылған музыка мектеп-интернатының директоры қызметін атқарды.
Аида Балаева Қазақ ұлттық консерваториясының жаңа басшыны құттықтап, қызметін абыроймен атқаратынына үлкен сенім білдіріп, жұмысына сәттілік тіледі.
