2023 жылғы қаңтар-қыркүйекте Қазақстан Республикасының ЕАЭО елдерімен өзара сауда 20 655,2 млн АҚШ долларын құрап, өткен жылдың сәйкес кезеңімен салыстырғанда номиналды мәнде 2%* азайды.
2023 жылғы қаңтар-қыркүйекте тауарлар экспорты 7 818,8 млн АҚШ доллары (11,8% көп), импорт – 12 836,4 млн АҚШ доллары (8,9% аз) деңгейінде қалыптасты.
Қазақстан Республикасының ЕАЭО елдерімен сыртқы сауда айналымының жалпы көлемінде Ресей Федерациясына – 91,7%, бұдан әрі Қырғызстанға – 4,8%, Беларусқа – 3,3%, Арменияға 0,2% келеді.
ЕАЭО елдерімен экспорттағы ең жоғары үлес машиналар, жабдықтар, көлік құралдары, аспаптар мен аппараттарға тиесілі – 27,7%, одан кейін химия және онымен байланысты өнеркәсіп салаларының өнімдері – 23,7%.
ЕАЭО елдерінен Қазақстанға әкелінетін импорт құрылымында мал және өсімдік өнімдері, дайын азық-түлік тауарлары басым – 19,6%, металдар мен олардан жасалған бұйымдар үлесі – 19,2%.
