Санья қаласында (ҚХР) кірістерді жылыстатуға және терроризмді қаржыландыруға қарсы іс-қимыл жөніндегі Еуразиялық Топтың 39-шы пленарлық отырысы өтуде.
Отырыс жұмысына ЕАТ мүше мемлекеттері, шақырылған байқаушылар, сондай-ақ бірқатар халықаралық ұйымдар қатысуда.
2023 жылғы 6 желтоқсанда пленарлық апта аясында Қаржылық мониторинг агенттігі мен Беларусь Республикасының Тергеу Комитеті арасында Ынтымақтастық туралы меморандумға қол қойылды.
Құжат экономикалық қылмыстарға қарсы күресте өзара іс-қимылдың тиімділігін арттыруды, сондай-ақ қылмыстық жолмен алынған кірістерді заңдастыру (жылыстату) және терроризмді қаржыландыру мәселелерін қарастырады.
Бұл Меморандум екі мемлекеттің алдын ала тергеу органдарының қызметін ұйымдастыру бойынша жұмыс тәжірибесімен алмасуға, жасалған қылмыстар туралы жеке және заңды тұлғалардың өтініштері бойынша тексерулер жүргізу кезінде жәрдемдесуге ықпал ететін болады.
Сондай-ақ, қол қойылған Меморандум аясында Тараптар қызметкерлердің әлеуетін дамытып, бірлескен ғылыми зерттеулер, семинарлар мен конференциялар өткізетін болады.
Вам может быть интересно: «Мадуро дал иностранным нефтяникам три месяца на уход со спорного с Гайаной шельфа»
