СҚО әкімі Ғауез Нұрмұхамбетов "Kronospan Holding East" акционерінің өкілі, инвестжобаның Орталық Азиядағы басшысы Томаш Янчакпен кездесті. Өңірде австриялық компания бағдарланған жоңқалы тақталар шығару инвестжобасын жүзеге асырмақ.
«Шетелдік инвесторға жобаны жүзеге асыру үшін қажетті қолдау мен көмекті көрсетеміз. Оның үстіне ағаш өңдеу саласын дамыту бағытында тәжірибеміз бар», - деп жазды өңір басшысы.
Өңірде ламинатталған фанера өндірісі ашылды. Ағашты терең өңдеу зауытының құрылысы аяқталуға жақын, онда ДСП және ЛДСП шығаратын болады.
