2023 жылғы қаңтар-қазанда ЕАЭО елдеріне тауарлардың экспорты 8 986 млн АҚШ долларын құрады, бұл көрсеткіш өткен жылдың тиісті кезеңіне қарғанда 13,2% артық. Сондай-ақ импорт көлемі 9,3% азайды, бұл ақшалай түрде 14 317,8 млн АҚШ доллары. Осылайша, Қазақстан Республикасының ЕАЭО елдерімен тауар айналымы 2023 жылғы қаңтар-қазанда 23 303,8 млн АҚШ долларын құрады.
Қазақстан Республикасының ЕАЭО елдерімен сыртқы сауда айналымының жалпы көлемінде Армения 0,2%, Беларусь – 3,3%, Қырғызстан – 4,9%, Ресей 91,6% құрайды.
Жекелеген жағдайларда қорытынды мен қосылғыштар сомасы арасындағы шамалы айырмашылықтар деректерді дөңгелектеумен түсіндіріледі.
ЕАЭО елдерімен экспорт құрылымында химия және онымен байланысты өнеркәсіп салаларының өнімдері, сондай-ақ машиналар, көлік құралдары мен аппараттар бар. Импортта металдар мен олардан жасалған бұйымдар, дайын азық-түлік тауарлары, сондай-ақ машиналар мен жабдықтар басым.
