Е. Рахмадиев атындағы Қарағанды академиялық симфониялық оркестрі Испанияда үлкен гастрольдік сапармен жүр. Шетелдік көрермендер қазақстандық музыканттарды қуана қабылдады. Концерттер аншлагпен өтуде.
Гастрольдер бір айға созылады. Осы уақыт ішінде ұжым 24 концерт береді. Қарағандылық музыканттар Испанияның ең беделді залдарында ойнайды.
Мадридте 4 концерт өтті. Оркестр сонымен қатар Альбасете, Уеска, Сарагоса, Сан-Себастьян қалаларының сахналарында өнер көрсетті. Тур 21 қаңтарда Мадридте өтетін концертпен аяқталады.
