Қазақстан Елшісі Дәурен Кәріповтің Латвияның Климат және энергетика министрі Каспарс Мелниспен кездесуі өтті.
Кездесу барысында тараптар халықаралық климаттық күн тәртібіндегі өзекті мәселелер бойынша ынтымақтастықты кеңейту мәселелерін талқылады. Жаңартылатын энергетика саласындағы екіжақты өзара іс-қимылды жолға қою Қазақстан-Латвия көп қырлы ынтымақтастығына Елеулі қосымша болатынына келісті.
Қазақстандық дипломат сұхбаттасушыны Қазақстанның экологиялық саясаты туралы егжей-тегжейлі хабардар етті. Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауында еліміздің көміртекті бейтараптыққа көшуі бойынша, оның ішінде «жасыл» сутекті өндіру жөніндегі ірі объектілерді іске асыру арқылы нақты қадамдар жасағанын атап өтті.
Өз кезегінде Министр Латвия энергетикасының «таза» әлеуеті туралы айта отырып, жаңартылатын энергетиканың тиісті инфрақұрылымын және оны экспорттау тетіктерін құруда тәжірибе алмасуға дайын екенін айтты.
