ҚР АШМ Агроөнеркәсіптік кешендегі мемлекеттік инспекция комитетінің бастамасымен Әзірбайжан Республикасы Азық-түлік қауіпсіздігі агенттігінің басшыларымен бейне кеңес өтті.
Екі қызметтің өкілдері өсімдіктер карантині бойынша баяндамалар ұсынды-атап айтқанда, олар карантинге жатқызылған өнімді әкету кезінде фитосанитариялық сертификаттарды ресімдеу туралы сөз қозғады. Сонымен қатар, тараптар елдер аумағының фитосанитариялық жай-күйі, сондай-ақ Қазақстан мен Әзірбайжанда таралған карантиндік организмдердің мәртебесі мәселелерін талқылады.
Кездесуде өзара сауда шеңберінде карантинге жатқызылған өнімді жеткізу кезінде карантиндік объектілерді әкелуді және енгізуді болдырмау жөніндегі бірлескен іс-қимылдарды үйлестіруге; фитосанитариялық қызметтер басшыларының жүйелі жұмыс кездесулерін өткізуге; карантиндік фитосанитариялық бақылауды жүргізуде тәжірибе алмасу, фитосанитариялық тәуекелді талдау, зертханааралық салыстыру сынақтарын жүргізу бөлігінде ынтымақтастыққа ерекше назар аударылды.
Кеңес қорытындысы бойынша Тараптар әңгіменің нәтижелілігін атап өтіп, екі мемлекеттің де фитосанитариялық қауіпсіздігін қамтамасыз ету үшін өсімдіктер карантині саласындағы екіжақты ынтымақтастықты жалғастыру ниетін растады.
