«ҚазАвтоЖол» ұлттық компаниясы биыл елімізде қанша шақырым автомобиль жолы жөнделетіндігін мәлімдеді.
«2024 жылы шамамен 3,1 мың шақырым автомобиль жолы салынып, жаңғыртылатын болады. Оның шамамен 2 мың шақырымында жөндеу жұмыстарын аяқтап пайдалануға беру жоспарланған», - делінген компанияның агенттік сауалына берген жауабында.
Мекеменің нақтылауынша, жаңғырту жобаларының басым бөлігі өткен жылдан қалып отыр.
«Соған орай жоспарланған барлық жұмыс жүргізілетін болады. Қазақстан Республикасы Үкіметінің 2023 жылғы 12 желтоқсандағы «2024-2026 жылдарған арналған республикалық бюджет туралы» Қазақстан Республикасының Заңын жүзеге асыру туралы» №1108 қаулысымен бекітілген жоспарға сәйкес, 2024 жылға мәлімделген жобаларды жүзеге асыруға қаржы қолдау тапты», - деп нақтылады «ҚазАвтоЖолдан».
