Әлемге әйгілі бүркітші, отандасымыз Айшолпанның отбасы елге көшіп келді, деп хабарлайды Kazinform.
«Мен Қазақстандамын, бір аптадай бұрын ата-анам мен бауырларым көшіп келді. Өзім Алматыдағы С.Демирел атындағы университетте қазақ тілі мен әдебиеті мамандығы бойынша 4 курста оқып жатырмын. Қазір мамандығым бойынша жұмыс қарастырып жатырмын», - деді Айшолпан Kazinform тілшісіне ұялы телефон арқылы берген сұхбатында.
Сондай-ақ, отандасымыз бүркіт өнерін тастамағанын айтты.
«Оқу мен бүркітпен айналысуды қатар алып жүрмін. Аптасына бір рет айналысамын. Жарыстарға қатысып жүрген жоқпын, тек қонақ ретінде барамын. себебі оқудан қол тимейді», - дейді бүркітші қыз.
Еске сала кетсек, 2018 жылы қарашада бүркітші Айшолпан туралы фильм шықты.
2019 жылы Моңғолия композиторы жерлесіміздің құрметіне өз туындысын арнаған еді.
Айта кетейік, 2022 жылы бүркітші Айшолпан туралы ағылшын тілінде кітап шықты.
Вам может быть интересно: «Костенко шахтасының 9 лауазымды тұлғасы күдікті деп танылып отыр – Бас прокуратура»
