Солтүстік Қазақстан облысының прокурорлары жергілікті инвестордың проблемаларын шешті. Бұл туралы органның баспасөз қызметі мәлім етті.
Петропавл қаласында «TFA GROUP» ЖШС инвестиция көлемі 9,2 млрд теңге болатын «Керамикалық кірпіш зауытын салу» жобасын жүзеге асырып, 105 жаңа жұмыс орнын ашады.
Бұған дейін экология департаменті инвесторға зауыт құрылысын «Севказэнерго» АҚ-мен келісу туралы ұсыныспен алдын ала қорытынды ғана берген. Өз кезегінде монополист ресми негіздер бойынша құрылыс тәртібін бекітуден бас тартады. Алайда бұл ретте келісу міндетті емес еді.
Облыстық прокуратураның фронт-офисі бюрократиялық кідірістердің алдын алу және инвесторлардан қажетсіз құжаттарды талап ету тәжірибесін тоқтату бойынша экология департаментіне нұсқама бағыттады.
Нәтижесінде қадағалау органының үйлестіруімен оң экологиялық қорытынды шығарылды. Жобаны ілеспе қолдау жалғасады және мәселе облыс прокуратурасының бақылауында болады.
Вам может быть интересно: «Костенко шахтасының 9 лауазымды тұлғасы күдікті деп танылып отыр – Бас прокуратура»
