Сәрсенбі күні ҚР Энергетика министрі Алмасадам Сәтқалиев Кореяның «KEPCO» және «DOOSAN ENERBILITY» электр энергетикалық корпорацияларының вице-президенттері Янг Юн-Х және Шин Чжон Генмен, сондай-ақ компанияның басқа да өкілдерімен кездесу өткізді.
Кездесу барысында тараптар алдағы уақытта инвестициялау мақсатында Қазақстанның бірнеше электр станцияларының жағдайын зерттеу мәселесін талқылады.
KEPCO Астана, Алматы, Павлодар және Топар жылу электр орталықтарына пилоттық зерттеу жүргізеді деп жоспарланып отыр.
«Зерттеу нәтижесі бойынша станцияларды одан әрі пайдалану, жаңғырту және олардың экологиялық көрсеткіштерін жақсарту перспективалары бойынша сізден сараптамалық баға күтеміз», - деді ҚР Энергетика министрі.
Сондай-ақ ол министрлік тарапынан компанияға қажетті қолдау көрсетілетінін жеткізді.
Вам может быть интересно: «Костенко шахтасының 9 лауазымды тұлғасы күдікті деп танылып отыр – Бас прокуратура»
