Осылайша, өткен жылы азаптау және басқа да қатыгез, адамгершілікке жатпайтын немесе ар-намысты қорлайтын әрекеттер мен жазалау түрлері бойынша 150 шағым қаралғаны белгілі болды. Бұл ретте азаптау фактілері бойынша 148 қылмыстық іс қозғалды.
Сондай-ақ азаптауларды және басқа да қатыгез, адамгершілікке жатпайтын немесе ар-намысты қорлайтын қарым-қатынас пен жазалаудың алдын алу үшін тексеріс жүргізетін тәуелсіз орган – Ұлттық алдын алу тетігі жұмысының нәтижелері жарияланды.
Былтыр жабық мекемелерге 493 профилактикалық тексеру жүргізілді. Есептерді талдау нәтижелері бойынша 3 мыңнан астам ұсыныс жолданды, оның 33 пайызы орындалды, қалғаны орындалуда.
«Қазіргі таңда азаптаулардың және басқа да қатыгез, ар-намысты қорлайтын қарым-қатынас пен жазалаудың алдын алу бойынша белсенді жұмыстар жүргізілуде. Мәселен, қылмыстық-атқару жүйесі мекемелері мен полиция үй-жайларында, сондай-ақ құқық қорғау органдарының барлық жедел-тергеу бөлімшелерінде бейнебақылау жүйесінің жұмыс істеу қағидалары бекітілді, қатыгездік үшін қылмыстық жауапкершілік енгізілді. Осы іспетті өзге де шаруалар қолға алынуда», - деді Адам құқықтары жөніндегі ұлттық орталықтың жетекшісі Салтанат Тұрсынбекова.
Вам может быть интересно: «Костенко шахтасының 9 лауазымды тұлғасы күдікті деп танылып отыр – Бас прокуратура»
