2023 жылы 149 150 жеңіл автокөлік құралдары кедендік рәсімдеуден өтті. Бұл көліктердің жалпы құны 2,9 миллиард АҚШ долларын құрап, 385,9 миллиард теңге сомада кедендік төлемдер мен салықтар төленген, деп хабарлайды ҚР ҚМ Мемлекеттік кірістер комитетінің баспасөз қызметі.
Негізінен автомобильдер 5 елден әкелінді: Қытайдан – 45 984 дана, Грузиядан – 39 395 дана, БАӘ – 20 320 дана, Оңтүстік Кореядан – 14 870 дана, Жапониядан – 11 438 дана.
Кедендік рәсімдеу кезінде автомобильдің бағасы көрсетіледі. Автокөлік құралдарының бағасы туралы ақпарат ҚР ҚМ Мемлекеттік кірістер комитетінің сайтында орналастырылған, ол қажеттілігіне қарай жаңартылып, толықтырылып отырады.
Вам может быть интересно: «Костенко шахтасының 9 лауазымды тұлғасы күдікті деп танылып отыр – Бас прокуратура»
