«KEGOC» АҚ электр тарату желісінің ажыратылуына байланысты Степногор ЖЭО жылу энергиясын өндіруді азайтты. Осыған байланысты ҚР Энергетика министрлігінің Ядролық және энергетикалық қадағалау және бақылау комитеті тексеру жүргізуді бастады.
«Жылу электр орталығында технологиялық қателіктер жоқ. Қазіргі таңда жылу электр орталығына электр қуатын тарату қалпына келтіріліп, жылу желісіндегі температураны көтеру жұмыстары басталып кетті. Тұтынушыларды жылумен қамтамасыз етудің бұзылуын болдырмау үшін желілік судың айналымы ұйымдастырылған», - деді ведомстводан.
Айта кетсек, бұдан бұрын Степногор жылу энергия орталығындағы апатқа байланысты тұрғындар жылу және электр жарығынан ажыратылғанын жазған едік.
Вам может быть интересно: «Костенко шахтасының 9 лауазымды тұлғасы күдікті деп танылып отыр – Бас прокуратура»
